Por Patria, por Minerva, por María Teresa e por todas as miñas compañeiras. As mulleres deste sindicato comprometémonos a que non nos collan antes de ternos salvado todas.

Esta semana as mulleres da CUT vímonos as feridas, esas que deixaron en nós as violencias machistas ao longo de tantos anos (resulta que as cicatrices das nosas avoas tamén nos doen). Conseguimos facer dunha xornada de formación un compromiso que crece e crece.

Este 25 de novembro comprometémonos a impedir que nos xulguen no noso traballo polo aspecto físico e a vestimenta que levamos. A que o noso dereito a conciliar sexa unha prioridade no sindicato. Imos denunciar nas rúas e nos xulgados, con unllas e dentes, cando nos discriminan por ser mulleres traballadoras que deciden non ficar caladas, por non ser heteronormativas, por estar embarazadas ou querer non esta-lo nunca.

Imos querernos, coidarnos, atoparnos, compartir as vivencias e as forzas. As mulleres deste sindicato comprometémonos a pelexar por nós mesmas e por todas as nosas compañeiras para que as irmás Mirabal poidan sentir orgullo desta nosa loita. As traballadoras, as de abaixo, as que queren transformalo mundo, estamos xuntas e en pé preparadas para derrubar o patriarcado e todos os sistemas de opresión que naceron após el.

Actualidade - Prensa

alt


Cangas, a 24/10/2016. O pasado 28 de setembro o Grupo Isolux Corsán iniciou a negociación dun expediente de regulación de emprego extintivo (ERE) que afectará a 535 traballadores e traballadoras dun cadro de 1.500 persoas

Ler máis...

Actualidade - Acción Sindical

O fallo do Tribunal de Xustiza da Unión Europea do 14 de setembro é a crónica dunha sentenza anunciada. O Estado Español ten o curioso mérito de recibir sistematicamente reproches do TXUE pola estandarización legal de diferentes formas de discriminación. Dunha forma perniciosa, as instancias xudiciais europeas acabaron por converterse nunha especie de institución que concita a fé de moitas traballadoras e traballadores. Rezan para que o que non se consigue na rúa veña dado por algún tipo de "xulgado". E a relixión é o contrario a un movemento obreiro activo.

Ler máis...

Actualidade - Prensa

A xornada de eleccións celebrada en Galiza o pasado 25 de setembro marca un antes e un despois. Con ela péchase un ciclo electoral demasiado longo (que quizais aínda se dilate no ámbito estatal) no que a acción política estivo presidida pola preeminencia do electoral e, en certo grao, o correlato do “imperio do institucional” conlevou (ou confirmou) unha desertización progresiva das ricas iniciativas de rúa e das diversas experiencias de unidade popular no combate man a man que xermolaron nos últimos anos no noso país.

Ler máis...

Actualidade - Prensa

Por Ricardo Castro*

Na era da globalización o poder xa non é global, o poder intanxíbel que condiciona as nosas vidas ata a miseria está en moi poucas mans, todas sucias e con nome de bancos ou multinacionais. Os estados quedaron baleiros de poder e de capacidade de decisión política, tanto é así que os resultados electorais do Estado español implican unha ausencia de goberno sen maiores consecuencias reais, a única consecuencia clara é que a Unión Europea ten que adiar o seguinte plan de axuste ordenado pola banca.

Ler máis...

Co gallo do 25 de novembro, Día Internacional pola Eliminación da Violencia contra as Mulleres, a Secretaría das Mulleres da CUT bota a andar unha formación dirixida especificamente a delegadas e afiliadas da CUT, co obxecto de que esta axude "a comprender, identificar, responder, prever e erradicar as agresións machistas das nosas vidas".

A cita terá lugar na cidade de Compostela, o 22 de novembro, da man da compañeira e activista feminista Lola Ferreiro, e está aberta a todas as afiliadas e delegadas da CUT. As inscripcións realizaranse nos locais da central sindical en Compostela (ou ben a través do mail Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo ou do teléfono 981 58 44 27).

A formación foi convocada coa seguinte demanda: "Nesta sociedade machista as mulleres sufrimos agresións de cotío. Unha boa parte delas trascenden a violencia física, dimensión máis visibilizada e recoñecida socialmente. Mas toda e calquera tipo de agresión menoscaba a nosa dignidade, integridade e saúde.

A desigualdade salarial e no acceso a dereitos fundamentais, a sobrecarga de coidados, o acoso sexual na rúa e en diferentes espazos, as interrupcións e "ninguneo" en asembleas, o paternalismo, a invisibilización dos nosos logros, os canóns estéticos... son diferentes expresións de maltrato que conforman a pirámide de violencia na que se que estrutura a sociedade patriarcal-capitalista".

Quedan pois as portas abertas á participación de todas as afiliadas e delegadas da nosa central sindical nesta máis que urxente e interesante xornada.


Actualidade - Prensa

alt

A CUT APELA EN SURÁFRICA AO DEREITO DE AUTODETERMINACIÓN PARA CONSTRUÍR O INTERNACIONLASISMO PROLETARIO

O 17 Congreso Sindical Mundial congregou en Durban a 1200 sindicalistas de 111 países entre o 4 e o 8 de outubro

Durban (Suráfrica), a 8 de outubro de 2016. A Central Unitaria de Traballadores e Traballadoras ven de participar no 17 Congreso Sindical Mundial que se celebrou entre o 4 e o oito de outubro no Durban Arena da cidade sudafricana de Durban.

Ler máis...

Internacional - Solidariedade internacionalista

O TTIP, o CETA, o TISA. Baixo estas diferentes siglas véñense agochando diferentes Tratados de Libre Comercio que son o Cabalo de Troia co que as oligarquías transnacionais pretenden aniquilar os xa minguados dereitos sociais, económicos e alimentarios dos diferentes estados europeos.

Acordos que, negociados a porta pechada e cun clausulado absolutamente descoñecido pola maioría social, van asegurar nos vindeiros o progresivo sometemento das diferentes políticas dos estados europeos ao ditado das multinacionais de raizame esencialmente estadounidense.  

Por diante, a tarefa urxente de pararlle os pés, falando ás claras. De tomar as rúas, organizarnos e defendernos. De tirar do freo de emerxencia. Por este motivo as Marchas da Dignidade convocan polo país diferentes mobilizacións ás que estamos convocad@s. Porque tumbalos é cousa de tod@s.

A CORUÑA, 19 HORAS, CAMPO DE MARTE.
CABANAS,  12 HORAS, PARQUE DO AREAL.
COMPOSTELA, 19 HORAS, TOURAL.
FERROL, 19 HORAS, PRAZA DE AMANDA GARCÍA.
LUGO, 20 HORAS, SUBDELEGACION DO GOBERNO.
OURENSE, 19 HORAS, PARQUE SAN LAZARO.
PONTEVEDRA, 13 HORAS, PRAZA DA PEREGRINA.
VIGO, 19 HORAS, VIA NORTE.

Actualidade - Prensa

O Centro Comercial das Cancelas (Compostela) foi o escenario ás 21 horas da noite de hoxe da primeira concentración tras dous despedimentos antisindicais nesta multinacional, realizados para debilitar a representación sindical do centro.

Dous traballadores da multinacional Burger King foron despedidos o pasado sábado 10 de setembro con falsas acusacións por parte da empresa, despois de que nos centros composteláns desta cadea de hamburguesarías comezase un período de organización de todo o persoal, en torno ás siglas da CUT e á defensa dos seus dereitos laborais máis básicos. Días antes de ser despedidos, ambos os traballadores, onde outros traballadores e traballadoras do cadro de persoal, interpuxeron demanda no SMAC por débedas salariais que superan en todos os casos os 2000 €, que derivan dos máis diversos incumprimentos do Convenio Colectivo. Ademais, comunicaran debidamente á empresa a súa afiliación sindical.

Ler máis...

Actualidade - Prensa

O TSXG declarou o ERE de Citroën impugnado xudicialmente pola CUT "axustado a dereito". Este é o punto de partida. Un pronunciamento contrario aos dereitos das traballadores e traballadoras bastante habitual (máis aínda na grande empresa), ou en palabras Vítor Mariño, responsábel da CUT Citroën "cumpriuse o programa". "Era difícil que David vencese a Goliat".

Ler máis...

Actualidade - Prensa

Máis artigos...

Páxina 1 de 86

Inicio
Anterior
1