A CUT apoia este fin de semana as manifestacións que en diferentes vilas galegas terán lugar arredor do Día Mundial das persoas refuxiadas e aproveita pra animar a dar continuidade ao activismo en apoio dunha viraxe profunda das políticas migratorias.

Non é necesario dicir que todas as persoas temos o dereito de procurar unha vida digna e segura e que, fronte a iso, é reaccionario construír unha infraestrutura militar de protección. Se, ademais, quen a constrúe ten responsabilidade nos conflitos bélicos ou na desigualdade que se atopa en orixe, a regresión alcanza a ignominia.

Unha ignominia, unha vergonza e unha agresión racista non é se non o conxunto da lóxica de control de fluxos migratorios da UE. "Unha sinistra infraestrutura de vixilancia, disuasión, control, intimidación e violencia", como di o manifesto da Rede Galega en apoio ás persoas refuxiadas. A xestión da crise das refuxiadas co acordo UE-Turquía é só unha das súas últimas consecuencias.

Fronte a isto, desde a nosa central sindical, chamamos ás traballadoras e traballadores a amosar a súa solidariedade coas refuxiadas. Unha solidariedade que, para nós, non será nunca caritativa, nin susceptible de ser instrumentalizada por cotas de acollida e propaganda institucional, senón de clase, rebelde até o abatemento desta UE que, a cada golpe, dá máis poder ás oligarquías capitalistas en prexuízo das vidas do resto.

Movementos sociais - Migracións

Este 17 de maio a cidade de Vigo acollerá un xantar e unha festa de confraternización da Central Unitaria de Traballadores/as (CUT) con diferentes actividades en defensa da lingua. Das máis cativas aos maiores, recitais de poesía e concertos serán a tónica desta xornada que ás 12 horas da mañá comezará en Valadares, no Baile Vello.

Ler máis...

Actualidade - Prensa

O 1º de maio é tamén múltiple. Non é só que en todo mundo se celebraran diversas marchas do proletariado por un futuro mellor, senón que dentro do noso propio país foron moitas as mobilización e moitas as voces que as impulsaron, baixo un obxecto común: a denuncia da Europa da barbarie e dos mandatos ilexítimos da troika. A denuncia, en suma, dun sistema organizado para o crime e a masacre.

Ler máis...

Actualidade - Prensa

Este primeiro de maio o tema que nos preocupa a todas espallará moitas voces polo país adiante. A CUT convoca as seguintes mobilizacións pola nosa xeografía, ao berro de Contra a Europa do Capital, unidade obreira e popular:

Ler máis...

Actualidade - Prensa

A sección sindical da CUT da CRTVG estivo a facer ao longo da pasada conferencia nacional da CUT unha intensa laboura de comunicación para retratar o foro de debate en vídeo. Deste encontro que transcorreu en Vite, Compostela, baixo a lenda "Sindicalismo en Movemento", fican moitas preguntas e estas imaxes: https://youtu.be/x_w1ka1yqXQ

Actualidade - Prensa

Poucas veces vemos tan claro os froitos da mobilización. Se hai máis dun ano nos mobilizabamos contra dous despedimentos nos Burger King de Compostela, hoxe certificouse o camiño do avance para as traballadoras e traballadores desta multinacional. O local do Centro Comercial das Cancelas celebrou eleccións sindicais esta mañá nas que resultou eleita unha delegada da CUT, con 13 votos, fronte aos 8 votos que obtivo o encargado xeral e xerente que se presentaba tamén a representante sindical.

Con esta vitoria, os dous establecementos abertos desta cadea en Compostela teñen representación sindical da CUT, cun programa de recuperación dos dereitos laborais e do terreo perdido. Esta éxito servirá para comezar un camiño parello ao outro centro, no que xa se aplica na súa integridade o Convenio Colectivo, se pagan complementos até o daquela inexistentes como a nocturnidade e se está a confeccionar un calendario anual de traballo, con quendas e xornadas estipuladas.

Non hai superficie, por moi grande que sexa, que se resista á unión do Traballo. Unidas vencemos e unidas avanzamos.

Actualidade - Prensa

O Secretariado Nacional (SN) da CUT, máximo órgano do sindicato, xuntouse esta semana en sesión ordinaria para avaliar o 1º de maio. A celebración desta data, supón un orgullo para a CUT, que se sinte herdeira das loitas de Chicago xa non contra a patronal, senón contra a propia existencia dun sistema criminal (o Capitalismo) que inviabiliza que a clase traballadora poidamos vivir unha vida digna e en liberdade.

Ler máis...

Actualidade - Prensa

A CUT Compostela adhire este primeiro de maio á mobilización social que se promove na cidade, ás 19 horas dende a Porta do Camiño, detrás da que están unha morea de axentes sindicais, sociais e persoas individuais que decidir dar un paso na dirección da xenerosidade: a confección dunha manifestación unitaria, anticapitalista e sen siglas na convocatoria, coa firme convicción de que é tempo da unidade de todas as loitas para defender as nosas vidas. Sen protagonismos. Unha mobilización na que as únicas protagonistas sexa a unión de todas as voces nunha gran manifestación contra a batería de agresións que estamos a recibir por parte da Unión Europea, esa organización criminal, do racismo e da desigualdade, que comandan a troika e o Capital.

Ler máis...

Actualidade - Prensa

No mes de febreiro concentrámonos pola readmisión da compañeira Paloma, traballadora da empresa INSA Ingeniería de Software Avanzado. Cando no mes de novembro de 2015 a CUT creaba e lle comunicaba á empresa a súa Sección Sindical a resposta anormal da mercantil foi cambiar a negociación polo silencio e despedir fulminantemente á compañeira afiliada, debido á súa situación de maior febleza ao estar contratada en prácticas.

Ler máis...

Actualidade - Prensa

Máia de 45 colectivos, entre os que se atopa a CUT, e persoas a título individual agrupados na Rede Galega en Apoio ás persoas refuxiadas presentaron esta mañá a mobilización nacional que terá lugar o sábado 23 de abril dende a Praza Roxa de Compostela.

Ler máis...

Actualidade - Prensa

Máis artigos...

Páxina 1 de 85

Inicio
Anterior
1